Houbo un tempo no que os poderosos tiñan medo ás obreiras e maldicían entre dentes a solidariedade que a conciencia da opresión causaba entre elas.

Compañeira que traballas no festival:

Como sabes, este festival, como tantos outros do Estado, foi comprado pola proisraelita KKR. Un fundo cúmplice do xenocidio, da ocupación e o apartheid sionistas na Palestina polos seus investimentos en territorio palestino ocupado e na industria tecnolóxica israelita.

Por iso, no momento crítico que o pobo palestino está a ser exterminado de forma máis horríbel e fronte á cumplicidade do mundo ante tanta barbarie, apoiamos a campaña do movemento BDS, impulsado pola maior coalición palestina, que lle exixe 4 MÍNIMOS ÉTICOS aos festivais propiedade da KKR e a carta aberta [1] do BDS Galiza!

Mentres eses mínimos non se cumpran, APELAMOS a túa conciencia e pedímoste un boicote activo, folga de brazos caídos, sabotaxe, difusión, inoperancia, deserción, vista grosa ou calquer medio que teñas ao alcance para faceres augar esta festa que enriquecerá os asasinos dun pobo que demostra día a día dignidade.

Que se contaxie a dignidade! Deixemos de enriquecer a quen nos empobrece e precariza. Que invistan nos nosos salarios, non en enriquecer o rexime de Israel!

Que viva a loita do pobo palestino!

Cousas pasarán: organízate connosco e loita como podas e te conveña!

Asemblea Independente de Persoas Traballadoras do Festival O Son do Camiño