Ziordia: aman komunak proiektuaren ernatzea.

Responder
Avatar de Usuario
nazkauta
Mensajes: 989
Registrado: 21 Nov 2013, 09:55

Ziordia: aman komunak proiektuaren ernatzea.

Mensaje por nazkauta » 24 Ene 2018, 17:41

Lurra ta askatasuna

Irauliaz soroa, susta dezagun, Euskal Herrietako landazabal eta hirietan, kontzientzien eraldatze sakona. Aberats boteredunen ereduak joz eta jendarte burujabea gaurtik gauzatuz. Ametsei bide eginez.

Auzolana gako, agroekologiaz errepara dezagun natur baliabideen hondamena. Parteka ditzagun ezagutza, gaitasun baita bitartekoak, menpeko jarrerak uzkailiz, zereginak molde auto kudeatuan burutuz.

Ta ereinez biharra, landa dezagun, berezitasunen eta aniztasunen altzoan, etorkizuneko mugida herrikoien hazia. Ez gaiten desilusioetan eror eta apurretan geldi, dena dugu saiatzeko, antolatzeko, lortzeko.

Elkar zaintzarako tresnak eta dinamikak eraiki ditzagun, erasoez babestu eta zorionaren alde aritzeko. Autodefentsa eta begitarte praktikak gardenki zabalduz, atera gaiten loalditik, jar dezagun antzezpena kolokan.

Altxatzeko gogoa iturri, uxa ditzagun zigor eta beldurrak, ekintzen legitimitateari leihoak irekiz. Iraganeko eta geroko altxamendu eta intsumisioak uztartuz, sua piztuko duen txinpartei putz eginez.

Elkarturik asko daukagu irabazteko, aman komunean eta denen onuran. Ahulezi guztien arteko energiek dituzte egoerak dardaraziko, bateragarritasunak du itxaropena iratzarriko, batasunak du blokea osatuko.

Aldatzeko indarra bihurtzen delako, baina zu gabe ezin. Gakoak elkarrekin kausitu ditzagun, bertakoa orokorrera josiz, arazoak aukera bihurtuz, konpromisoa iraunkorki finkatuz. Norbera bere mailan inplikatuz, lurra eta askatasuna ardatz !

Aman komunak iniziatiba 2017ko ekainean sortu zen, Notre-Dame-des-Landes herriko ZADarekin lotu harremanen haritik. Euskal Herri osoko kolektibo eta jendeak biltzen gara bertan, autogestioari eta orokorkiago herrigintzari bultzada bateratua emateko.

Elkar ezagutzea eta dinamiken egituratzea dugu xede, bakoitzaren esperientzia, baliabide eta gogoei indarrak eskainiz, baita guztien artean proposamenak adostuz. Gardentasuna, horizontaltasuna eta inklusibitatea hartu ditugu oinarri, aniztasunak ederrago eta eraginkorrago egiten gaituela sinetsita.

Hiru hilabetean behin, askegune batean elkartzea erabaki dugu, auzolanak burutu eta iraulketen antolatzeko, beti ere talde eta pertsona berriei ongi etorria emanez.

Euskal Herri eta mundu askeagoa denek batera eraiki dezagun !

2018ko otsailak 24 – 25, Ziordia : aman komunak proiektuaren ernatzea

Auzolana eta biltzar nagusia

Imagen

Imagen

https://borrokagaraia.wordpress.com/201 ... r-nagusia/

Avatar de Usuario
otsabide
Mensajes: 748
Registrado: 30 Ene 2011, 22:13
Ubicación: Lekeitio (Euskalherria)
Contactar:

Re: Ziordia: aman komunak proiektuaren ernatzea.

Mensaje por otsabide » 28 Ene 2018, 23:48

Interesgarria. Halere, asmoak pixka bat dispertsoak iruditzen zaizkit. Hain gauza orokorrak... Baina beno, zorte on.
-----
Osasuna eta Askatasuna
http://www.abante.eus

Responder